Alkohol at ang Utak: Isang Pangkalahatang-ideya (Tagalog)
Ang imahe ay kagandahang-loob ni Adolf Pfefferbaum, M.D., Ph.D., at Edith V. Sullivan, Ph.D.
Ang alkohol ay nakakasagabal sa mga daanan ng komunikasyon ng utak at maaaring makaapekto sa hitsura at paggana ng utak. Ginagawang mas mahirap ng alkohol para sa mga bahagi ng utak na kumokontrol sa balanse, memorya, pagsasalita, at paghuhusga na gawin ang kanilang mga trabaho, na nagreresulta sa mas mataas na posibilidad ng mga pinsala at iba pang negatibong resulta. Ang pangmatagalang malakas na pag-inom ay nagdudulot ng mga pagbabago sa mga neuron, tulad ng mga pagbawas sa kanilang laki. Nasa ibaba ang ilang pangunahing paksang nauugnay sa alak at utak.
Ang Utak ng Nagbibinata/Nagdadalaga
Ang mga utak ng nagbibinata/nagdadalaga ay mas mahina sa mga negatibong epekto ng alak kaysa sa mga utak ng nasa hustong gulang. Ang maling paggamit ng alak sa panahon ng pagbibinata/pagdadalaga ay maaaring magpabago sa pag-unlad ng utak, na posibleng magresulta sa pangmatagalang pagbabago sa istraktura at paggana ng utak.
Mga Pag-blackout na Sanhi ng Alak
Ang maling paggamit ng alak ay maaaring magdulot ng pag-blackout na dulot ng alkohol. Ang mga blackout ay mga puwang sa memorya ng isang tao sa mga pangyayaring naganap habang mga lasing sila. Ang mga puwang na ito ay nangyayari kapag ang isang tao ay umiinom ng sapat na alak na pansamantalang hinaharangan nito ang paglipat ng mga alaala mula sa panandalian patungo sa pangmatagalang imbakan—na kilala bilang memory consolidation—sa lugar ng utak na tinatawag na hippocampus.
Sobrang dosis ng alak
Ang patuloy na pag-inom sa kabila ng malinaw na mga palatandaan ng mga makabuluhang kapansanan ay maaaring magresulta sa isang labis na dosis ng alak. Ang labis na dosis ng alak ay nangyayari kapag mayroong napakaraming alak sa daluyan ng dugo na ang mga bahagi ng utak na kumokontrol sa mga pangunahing mga tungkulin ng suporta sa buhay–-tulad ng paghinga, pagtibok ng puso, at pagkontrol sa temperatura–ay nagsisimulang mag-shut down. Ang mga sintomas ng labis na dosis ng alak ay kabilang ang pagkalito sa pag-iisip, hirap na manatiling malay, pagsusuka, seizure, problema sa paghinga, mabagal na tibok ng puso, malalamig na balat, mapurol na mga tugon (tulad ng walang gag reflex, na pumipigil na mabilaukan), at sobrang mababang temperatura ng katawan. Ang labis na dosis ng alak ay maaaring humantong sa permanenteng pinsala sa utak o kamatayan.
Karamdaman sa Pag-inom ng Alak
Habang ang mga indibidwal ay patuloy na umiinom ng alak sa paglipas ng panahon, ang mga progresibong pagbabago ay maaaring mangyari sa istraktura at paggana ng kanilang mga utak. Ang mga pagbabagong ito ay maaaring makompromiso ang paggana ng utak at humimok ng paglipat mula sa kontrolado, paminsan-minsang paggamit patungo sa grabe na maling paggamit, na maaaring mahirap kontrolin at humantong sa alcohol use disorder (AUD). Ang mga indibidwal na may katamtaman hanggang malubhang AUD ay maaaring pumasok sa isang siklo ng pagkagumon sa alak. Ang lawak ng kakayahan ng utak na bumalik sa normal kasunod ng pangmatagalang kahinahunan ay hindi lubos na nauunawaan, ngunit ang dumaraming bilang ng mga pag-aaral ay nagpapahiwatig na hindi bababa sa ilang pagbabago sa utak na dulot ng AUD—at ang mga pagbabago sa pag-iisip, pakiramdam, at pag-uugali na kaakibat ng mga ito–-ay maaaring bumuti at posibleng mabaligtad sa mga buwan ng pag-iwas sa pag-inom. (Ang higit pang detalye tungkol sa neuroscience ng AUD ay ibinibigay sa Neuroscience: The Brain in Addiction and Recovery section ng The Healthcare Professional’s Core Resource on Alcohol.)
Pagkakalantad sa Alak Bago Manganak
Maaaring magdulot ng pinsala sa utak ang pagkakalantad sa alak bago manganak, na humahantong sa isang hanay ng mga problema sa pag-unlad, pag-iisip, at pag-uugali, na maaaring lumitaw anumang oras sa panahon ng pagkabata. Ang alak ay maaaring makagambala sa pagbuo ng fetus sa anumang yugto sa panahon ng pagbubuntis—kabilang ang mga pinakaunang yugto at bago malaman ng isang babae na buntis siya.